Alt ein kan gjere med Tryggven...

Om helgasløyd og anna moro....

I helga hadde eg meg litt moro i lag med Tryggve frå Ikea. Eg trengte meg ei hylle, til å passe over ein kommode eg har pussa opp (eller ned, alt etter auga som ser) og kven var betre til jobben enn han.

Hylla vart til på augamål, og i ettertida sin klokskap kan eg seie at ho vart litt kraftigare enn eg hadde tenkte meg henne. Balansen mellom kor spinkel ein kan gjere det og utstyret for samanføying var fin denne gongen. Neste gong skal eg handle med tanke på eit slikt prosjekt, ikkje belage meg på at eg finn skruar og pluggar som "passar" eit kvart prosjekt slengjande rundt i heimen. Eg var også tom for den malinga eg ville bruke og måtte også der improvisera.

Kommoden fiksa eg nett før jul. Eg fann den liggjande i ein vegakant. Haustryddinga var like rundt hjørna og nokon hadde funne ut at det var på tide å kvitte seg med ein gamal handlaga kommode. Det var sjølvsagt eg glad for.

Alt i alt er eg nøgd med resultatet av helga med Tryggven og andre gamle kara, i dag er dei begge ein del av handarbeidsavdelinga mi i loftstova vår. Desverre kunne dei meddele oss på IKEA at Tryggve er på veg ut. Han vart vegen og funnen for lett. Alltid slik når eg finn noko eg likar. Bil frå Saab, kjøkken frå Sivesind og no Tryggve frå IKEA....

Og snart er det mandag med nye kjekke utfordringar...