Bambi på isen

Då eg det gjekk opp for meg at Molly hadde utfordra meg til å kome med i n t e r i ø r t i p s vart eg fyrst litt fnisete, så fekk eg ildt i magen og til slutt vart eg ganske skjelven. Eg er ikkje så god på slikt interiør. Ei heller er min smak midt i leia.

Eg sug til meg idear og smarte løysingar nettopp fordi eg er ganske blåst sjølv. Eg ville aldri kunne seie noko om kva trendar som har vore og kva som kjem. Men eg er heller ikkje den som kan la ei utfording liggja uprøvd...

So då vil eg dele eit par erfaringar....

1. Keep it simple!

I min verden er "less more" og få interiørelement gjev luft og harmoni. Eg er ikkje framand for at det motsette også er vakkert. Men dei som får det til å verte vakkert er skrudd mykje meir estetisk saman enn eg er. Hjå meg vert mykje ting kaos. I tillegg har mi løysing det geniale i seg at det vert lite å rydde, lite å tørke støv av og lite å flytte rundt på. No skal det føyast til at eg faktisk har så lite av alt at det til tider er vanskeleg å ta bilder av interiøret...for der er faktisk ikkje noko å ta bilder av....så litt meir fjas og tant kunne nok ha gjordt seg hjå meg.

(Sjå bort frå einslege busskur i periferien, gamle prislappar på krukkene og bilder som enno ikkje har kome opp på veggane)

2.Ha alltid avskorne blomer i huset.



Med avskorne blomer i huset vert kvar ein trist kvardag til ein festdag. Huset slepp å gå rundt i gamle joggebukser og utvaska "te"-skjorter ;). Berre ei grein med bjørk eller noko blomstrande ugras vil omskape stova di på ein blunk. Snittblomar harmoniserar, pyntar opp og gjer inntrykk av eit hus som er bebudd av kunstneriske sjeler. Det gjev også ei kjensle av luksus.

No treng ein ikkje gå i blomsterbutikken og kjøpe seg til fant i tide og utide, men av og til kan ein godt bruke nokre kroner der også. Passar ein på å ha nokre plantar i hagen som blomstrar villig og som gjer seg i ein bukett er ein sikra ferskvare heile somaren. Ein får billege bukettar om ein handlar seint på kvelden og tek til takke med litt "slitne" bukettar som berre står kortare stunder. Sjølv får eg av mor mi, dei ho ikkje kan selge, dei står eit par dagar maks, men to dagar er to dagar meir enn ingen :)

Her er nokre små blomar eg har plukka frå krukkene på verandaen...



Og eit tips til...vask vindaugene før du tek interiørbilder om du vil brilliere..hehe...:)

Eg utfordrar vidare: Formgrafisk , Tante Mimmi og Ninas Drops