Second time's the charm...

eller third time lucky som det eigentleg heiter. Men denne gongen trengte eg berre to forsøk før sukessen var eit faktum.

Sist gong eg kjøpte inn fiken rotna dei bort på kjølen og skuffelsen var stor. Då eg blogga denne triste historia, var det mangen som greip ordet og tala fikenen si sak. Sopass påståelege var dei at eg forstod eg hadde dumma meg rett ut. Så nye fiken vart kjøpt inn og no skulle dei få snadderfylgje på vegen i magen.

Når eg skal prøve ut nye saker likar eg å ha truverdige forsøkspersonar innan rekkevidde, og i dag hadde eg ei kjekk veninna som testkanin, så det var berre å kasta seg utpå. Oppskrifta var enkel og resultatet upåklageleg!

.....man tager ein fiken og deler den delvis i 4. Pass på at "botnen" heng saman. Legg fyrst i ein liten klatt smør, så ei teskjei honning, før du til slutt rislar over ein liten neve med grovhakka hasselnet. Sett i ovenen ca. 15 minutter på 180 grader. Server med litt vaniljeis...

Og tru meg, me hadde eit lite bel i sjølvaste paradiset der me nytte kvar vår fiken.....

Ein supergod og superenkel dessert (som sjølv mor kan ;) til både kvardag og fest!